1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Tuddan tsira a wasu yankunan Siriya

Abdul-raheem Hassan
May 5, 2017

Kasashen Rasha da Iran da Turkiyya sun sanya hannu kan wata yarjejeniya da za ta taka birki ga sojojin Amirka wajen kai samame a wasu yankunan da za a kebe a matsayin tudun muna tsira a kasar Siriya.

https://p.dw.com/p/2cTw4
Syrien Interview Bashar al-Assad mit französischen Journalisten in Damaskus
Shugaban Siriya, Bashar al-Assad.Hoto: Reuters/Sana

Wakilin Rasha Alexander Lavrentyev ne ya bayyana wannan matakin kwana guda bayan kasashen Turkiya da Iran sun cimma matsaya a taron tsagaita wuta da aka gudanar tsakanin 'yan tawayen Siriya da bangaren gwamnati a birnin Astana. Sakatare Janar na Majalisar Dinkin Duniya Antonio Guterrers ya yi na'am da wannan mataki, amma ya bukaci a fadada dokar hana jiragen Rasha da Turkiyya kai hare-hare a kan yankunan Idlib da Latakia da Aleppo da kuma Hama da aka kebe a arewacin Siriya. Wannan mataki na zama wani yunkuri na rage tashin hankali da ke sanadiyar rayukan fararen hula, sakamakon yawan kai hare-hare da suka tilasta daruruwan al'umma rabuwa da matsugunansu.