Rikicin Aleppo ya kori dubban mutane daga gidajensu

Dubban mutane sun tsere daga yankunan gabashin Aleppo, biyo bayan tsanantar fada tsakanin sojojin gwamnati da mayakan SDF wadanda akasarinsu Kurdawa ne.

A makon da ya gabata ne dai fada mai tsanani ya barke a gundumomin Aleppo da Kurdawa ke iko da su, a yayin takaddama kan shirin hada gwamnatocin Kurdawa masu cin gashin kansu a tsarin gwamnatin Siriyar. Kuma daga karshe gwamnatin rikon kwarya ta mayar da unguwannin Kurdawa na Aleppo karkashin ikonta.

A yanzu haka dai sojojin gwamnati suna kokarin fatattakar mayakan SDF zuwa yankin gabashin kasar, inda har yanzu suke iko da manyan garuruwan kasar. A lokacin yakin basasar Siriya, ana daukar SDF a matsayin babbar kawar Amurka a yaki da Kungiyar IS mai akidar kafa daular musulumci.

Har yanzu ba a aiwatar da yarjejeniyar sanya SDF cikin rundunar sojojin gwamnati ba, tun bayan hambarar da gwamnatin sai Madi ka ture na Bashar al-Assad.