1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Rasha ta kwace ikon wasu kauyuka a gabashin Ukraine

Fauziyya Dauda
November 23, 2025

Ma'aikatar tsaron Rasha ta ce, dakarun sojin kasar sun kwace iko da Petrivske da ke yankin Donetsk da yankunan Tikhe da Otradne da ke Dnipropetrovsk da ke gabashin Ukraine.

https://p.dw.com/p/544ly
Yankin Dnipropetrovsk da ke gabashin Ukraine
Yankin Dnipropetrovsk da ke gabashin UkraineHoto: Stringer/REUTERS

Dakarun Kyiv na kokarin ganin sun rike iko da yankunan gabashin Ukraine, sai dai sojojin Rasha na ci gaba da samun galaba a kai. Kara zafafa kai hare-haren na Rasha na zuwa ne yayin da Amurka da Kyiv da kuma wakilan kasashen yammacin Turai ke shirin ganawa a Geneva, domin tattauna kwarya-kwaryar daftarin shirin samar da zaman lafiya a Ukraine.

Karin bayani: Rasha ta kwace garuruwan Ukraine a wani sabon farmaki

Shugaba Trump na Amurka ya bai wa Ukraine wa'adin ranar 27 ga watan Nuwambar 2025 domin ta yi nazari kan shirin da ya gabatar, na kawo karshen yakin da aka kwashe kusan shekaru hudu ana gwabzawa, sai dai gwamnatin Kyiv na neman sauya wasu daga cikin bukatun da suka fifita bukatun Rasha. Bukatun sun hada da bai wa Rasha iko da wasu yankunan Ukraine, da rage yawan dakarunta da ma yin watsi da burinta na son shiga kungiyar kawancen tsaro ta NATO.