Iran ta gargadi EU kan yarjejeniyar nukiliya

Rouhani ya fadi haka ne bayan da kasashen Jamus da Faransa da Birtaniya suka matsawa Iran lamba kan yunkurin yin watsi da yarjejeniyar a baya-bayannan.

A watan Mayu shekarar 2019 Iran ta sanar da yin fatali da wasu muhimman ka'idojin yarjejeniyar da ta cimma da wasu kasahe shida a 2015, inda ta ce tuni ta zarta adadin Uranium da yarjejenaiyar ta ba da damar samarawa. Sai dai matakin Amirka na kashe wa Iran babban kwamandan soji, ya sa ta ayyana daukar matakin yin watsi da yarjejeniyar nukiliyar.