Neman mafita a rikicin Yemen | Labarai | DW | 27.04.2015
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Neman mafita a rikicin Yemen

Amirka ta ce al'ummar kasar Yemen ne ya kamata su samarwa da kansu mafita bawai wasu kasashe daga waje ba.

Hare-haren Saudiya a Yemen

Hare-haren Saudiya a Yemen

Sakataren harkokin waje na Amirka John Kerry ne ya bayyana hakan inda ya bukaci dukkan bangarorin da ke cikin rikicin na Yemen da su sassauta tashe-tashen hankula tare da zama kan teburin sulhu. Kerry ya kara da cewa yana tsammanin za su tattauna batun rikicin na Yemen da takwaransa na kasar Iran Mohammad Javad Zarif a tattaunawar da za su yi nan gaba kadan. Mutane da dama ne dai suka rasa rayukansu yayin da wasu dubbai suka kauracewa gidajensu tun bayan da kasar Saudiya ta kaddamar da hare-hare a kasar ta Yemen sama da tsahon makwannin ukun da suka gabata.