Neman izini kan allurar Covid 19

Kamfanin sarrafa magunguna na Moderna da ke Amurka, ya sanar da kammala shirin neman izinin amfani da allurar riga kafin corona daga hukumar tantance ingancin magunguna da abincin Amurkar da takwararta ta Turai.

Kamfanin na zai gabatar da dukkan takardun neman amincewar hukumomin biyu, domin ya samu damar yin allurar ga masu bukata cikin gaggawa, bayan tabbatar da sahihancinsa.

Gwajin da aka yi wa mutane dubu 30 a cewar kamfanin, bai nuna wata alamar barazana ga lafiyar mutane ba.