Miliyoyin mutane za su mutu a Yemen | Labarai | DW | 20.11.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Miliyoyin mutane za su mutu a Yemen

Miliyoyin al'umar a kasar Yemen na fuskantar barazanar mutuwa sakamakon karancin abinci, sanadiyyar matakin da Saudiyya ta dauka na rufe hanyoyin kai agajin jin kai cikin gaggawa.

Shugaban shirin samar da abinci na duniya Stephen Anderson, da ya bayyana hakan a wannan Litinin, ya ce barazanar ta samo asali ne daga munin yakin da Saudiyya ke jagoranta a wasu yankuna na kasar ta Yemen. Akalla dai mutum miliyon 17 daga cikin 26 a Yemen na matukar dogaro ne kan agajin kayan abinci.

Bayan tsananin sukar da kasar Saudiyyar ta sha kan toshe hanyoyin, a makon da ya gabata kasar ta yi alkawarin waiwayar matakinta na rufe filayen jirage da kuma ruwayen Yemen din, don a sami damar kai kayan agajin ga mabukata. Ko a wannan Lahadi ma sai da wani hari ta sama a lardin Jawf ya kashe fararen hula akalla 10.