Mayakan jihadi sun kashe sojojin Mali 24 | Labarai | DW | 19.11.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Mayakan jihadi sun kashe sojojin Mali 24

Akalla sojojin Mali 24 da wasu mayakan da ke da'awar jihadi su 17 sun mutu a wani artabu tsakanin bangarorin biyu a gabashin kasa. Harin ya faru ne yayin da sojojin kasar da na Nijar ke sintiri na hadin gwiwa.

Rundunar tsaron Mali ta ce harin ya jikkata wasu 29 an kuma kashe maharan da dama tare da kama daruruwansu, harin ya zo ne bayan wasu hare-hare da ya kashe sojojin kasar da dama a farkon wata.

Tun shekarar 2012 arewacin Mali ke fama da barazanar rashin tsaro duk da fafutukar dakarun hadin gwiwa da Faransa ke jagoranta, amma haryanzu kan iyakar Mali da Nijar da Burkina Faso na fama da barazanar 'yan ta'adda.