Jamus ta yi tir da hukuncin da Saudiyya ta yanke

Wannan hukuncin dai na zama abin damuwa matuka a cewar ma'aikatar harkokin wajen Jamus a dai dai lokacin da ake samun matsalolin tsaro na ta'addanci.

Mafi yawancin mabiya tafarkin Shi'a dai 47 an yanke musu hukunci ne a ranar wannan Asabar wanda hakan ke zama hukunci mafi girma a shekaru 10 da suka gabata.

Daya daga cikin fttatttun mabiya Shi'a shi ne Nimr al-Nimr wanda hukumomin Saudiyya suka zarga da laifin kai hari ga 'yan sandan kasar.

Jamus dai ta kasance kasar baya-bayan nan da ta nuna damuwar ta kan wannan hukuncin da Saudiyya ta yanke kan mabiya akidar 'yan Shi'an a kasar.