1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Harin bindiga a birnin Halle na Jamus

Binta Aliyu Zurmi
October 9, 2019

Wani dan bindiga ya kai hari, a gaban wajen ibadar Yahudawa, a daidai lokacin da suke bikinsu na shekara-shekara na Yom Kippur, a birnin Halle da ke yankin gabashin kasar Jamus.

https://p.dw.com/p/3Qz84
Deutschland Tote nach Schüssen in Halle
Dan bindiga ya halaka mutane biyu a HalleHoto: picture-alliance/dpa/S. Willnow

Bikin ranar ta Yom Kippur dai na zaman mafi mahimmanci a shekara ga Yahudawan, inda su ke azumi don neman gafara. Maharin dai ya tsere wanda hakan yasa jami'an 'yan sanda suka umurci mutane da su zauna a gida wadanda ke kan hanya kuma su nemi wajen da za su boye kansu.

A wata sanarwar da suka fitar a shafinsu na Twitter, jami'an 'yan sanda sun tabbatar da mutuwar mutanen da kuma tserewar dan bindigar da wata mota, sai dai sun ce sun yi nasarar cafke wani mutum guda da su ke zargin sa da hannu a harin. Yanzu haka dai ma'aikatar lura da zriga-zirgar jiragen kasa da ke garin na Halle ta sanar da dakatar da aiki.