Binciken tauraruwa mai wutsiya na kasashen Turai ya kankama | Labarai | DW | 12.11.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Binciken tauraruwa mai wutsiya na kasashen Turai ya kankama

Irin wannan bincike a shekarun baya na gamuwa da cikas amma a wannan karo masana kimiyar samaniya na ganin alamun sauya tunani a duniyar binciken samaniya.

Bayan kwashe miliyoyin mila-milai daga wannan duniya tamu yana tafiya a sararin samaniya kumbon binciken kasashen Turai ya saki mutummumin da zai yi bincike a tauraruwa me wutsiya Comet a Turance ta yadda za a rika samar da bayanai da za su hada da lalubo yadda duniya ta samo asali.

Paolo Ferri, shi ne jagoran wannan shirin binciken samaniya a Jamus:

Ya ce "Mun riga mun samar da banbanci kuma mun kafa tarihi da nasara".

Masu binciken a cibiyar samaniya Darmstadt a Jamus na samun bayanan saukar wannan mutum mutumi sun shiga murna.

To ko wannan nasara me take nufi a duniyar binciken kimiyar samaniya? Farfesa Yusuf Adamu masani ne na kimiyar muhallin dan 'Adam a jami'ar Bayero da ke Kano a Najeriya:

"Wannan na iya sauya tunanin mu kan asalin yadda duniya ta samo asali."

Mawallafi: Yusuf Bala
Edita: Suleiman Babayo