غزہ جنگ بندی کی ’مسلسل خلاف ورزیاں‘ ختم ہونا چاہییں، گوٹیرش

یورپی یونین کے رکن ممالک نے مشرقی یورپی ملک یوکرین کے لیے مزید 1.8 بلین یورو کی امدادکی منظوری دے دی ہے۔ برسلز میں یورپی یونین کے صدر دفاتر سے منگل چار نومبر کو ملنے والی رپورٹوں کے مطابق یوکرین کو یہ امداد روسی یوکرینی جنگ کی وجہ سے ہونے والی تباہی کے پس منظر میں یونین کے طویل المدتی امدادی پروگرام کے تحت دی جائے گی۔

یوکرین پر روسی حملے، دو بچوں سمیت چھ ہلاک

یورپی یونین کی طرف سے بتایا گیا کہ کییف حکومت کو دی جانے والی یہ نئی امداد یونین کے جنگ سے تباہ حال یوکرین کے لیے مجموعی طور پر 50 بلین یورو مالیت کے قرضوں اور گرانٹس کے اس پروگرام کا حصہ ہے، جو 2024ء سے لے کر 2027ء تک دیے جائیں گے۔

روس میزائل تجربات کے بجائے یوکرین میں جاری جنگ ختم کرے، ٹرمپ

روس کے خلاف جنگ میں یوکرین امریکی ٹوما ہاک میزائل کیوں چاہتا ہے؟

اہم بات یہ ہے کہ یورپی یونین کی طرف سے دیے جانے والے یہ فنڈز ان اصلاحات سے مشروط ہیں، جو یوکرین کو اپنے ہاں لانا ہیں۔

ان اصلاحات کا مقصد طویل المدتی بنیادوں پر یوکرین کو اس سطح تک لانا ہے کہ وہ اپنی معیشت کو  جدید خطوط پر استوار کرتے ہوئے اپنی تعمیر نو کر سکے، روس کے خلاف برسوں کی جنگ سے ہونے والے تباہی کا تدارک بھی کر سکے اور ساتھ ہی کییف یورپی یونین میں اپنی شمولیت کی منزل بھی حاصل کر سکے۔

دنیا بھر میں اس وقت تحفظ ماحول سے متعلق سیاست کے غیر تسلی بخش عملی نتائج کی بنیاد پر کرہ ارض رواں صدی کے آخر تک اپنے درجہ حرارت میں صنعتی دور کے مقابلے میں 2.5 سے لے کر 2.8 ڈگری سینٹی گریڈ تک اضافے کی راہ پر گامزن ہے۔

دنیا کی نصف آبادی کو ایک ماہ کی اضافی گرمی کا سامنا، رپورٹ

یہ بات اقوام متحدہ کے ماحولیاتی پروگرام یو این ای پی (UNEP) کی طرف سے منگل چار نومبر کے روز نیروبی میں اس ادارے کی دفتر کی طرف سے بتائی گئی۔

ساتھ ہی یو این ای پی کی طرف سے کہا گیا کہ غالب امکان یہ ہے کہ زمینی درجہ حرارت میں اضافے کو 1.5 ڈگری سینٹی گریڈ تک محدود رکھنے کا جو ہدف بین الاقوامی سطح پر برسوں پہلے طے کیا گیا تھا، وہ حد اگلے چند عشروں میں ہی عبور کر لی جائے گی۔

ماحولیاتی تبدیلی کو قابو میں رکھنے کرنے کے سات طریقے

اقوام متحدہ کے اس ذیلی ادارے نے خبردار کرتے ہوئے کہا کہ بین الاقوامی برادری کو زمینی درجہ حرارت میں اضافے کو بہت حد تک قابو میں رکھنے کے لیے اور کئی طرح کی آلودگی میں واضح کمی کی خاطر جو اقدامات کرنا تھے، ان کے اب تک کے نتائج کسی بھی طرح تاحال طے شدہ ماحولیاتی تبدیلیوں سے متعلق اہداف کے حصول کے لیے کافی نہیں ہیں۔

نامکمل ماحولیاتی اہداف: کرہ ارض کو درپیش خطرات بڑھتے ہوئے

اقوام متحدہ کے ماحولیاتی پروگرام کی ایک تازہ رپورٹ کے مطابق زمینی درجہ حرارت میں اضافے کو 1.5 ڈگری سینٹی گریڈ تک محدود کرنے کی منزل حاصل کرنا اب عملاﹰ انتہائی مشکل نظر آتا ہے، خاص طور پر اس تناظر میں کہ زمین پر ماحول کے لیے نقصان دہ سبز مکانی گیسوں کے اخراج میں کمی کے برعکس درجہ حرارت میں اضافے کا سبب بننے والی گیسوں کا اخراج زیادہ ہوتا جا رہا ہے۔

گرم ہوتی دنیا، بیمار ہوتا انسان: 128 سائنسدانوں کی چونکا دینے والی رپورٹ

ایسی ہی متنوع وجوہات کی بنا پر سال 2024ء اوسط درجہ حرارت کے لحاظ سے ایک نئی ریکارڈ حد تک زمینی حدت میں اضافے والا سال ثابت ہوا۔

نیپال میں ہمالیہ کے پہاڑی سلسلے کے متعدد علاقے گزشتہ کئی دنوں سے شدید برفانی طوفان کی زد میں ہیں، جس کے نتیجے میں وہاں اب تک نو افراد ہلاک ہو چکے ہیں۔ مرنے والوں میں پانچ اطالوی کوہ پیما بھی شامل ہیں۔

نیپالی دارالحکومت کھٹمنڈو سے منگل چار نومبر کو ملنے والی رپورٹوں کے مطابق ملکی حکام نے بتایا کہ ان برفانی طوفانی حالات میں ہونے والی ہلاکتیں ایسے مختلف واقعات میں ہوئیں جو گزشتہ جمعے کے دن سے لے کر اب تک پیش آ چکے ہیں۔

18 سالہ نوجوان نے دنیا کی 8000 میٹر سے بلند تمام چوٹیاں سر کر لیں

کل پیر کے روز وسطی نیپال میں چین کے ساتھ سرحد کے قریب 5,630 میٹر (18,471 فٹ) بلند پہارٹی چوٹی یالونگ ری کے بیس کیمپ پر شدید برفانی طوفان کے نتیجے میں کوہ پیماؤں کا ایک 12 رکنی گروپ اونچائی سے گرنے والے ایک بہت بڑی برفانی تودے کی زد میں آ گیا۔

ہمالیہ پر مہم جوئی، اب کہيں زیادہ خطرناک

اس واقعے میں سات افراد ہلاک ہو گئے، جن میں سے تین اطالوی تھے، دو نیپالی باشندے اور جرمنی اور فرانس سے تعلق رکھنے والا ایک ایک کوہ پیما۔ ان سات ہلاکتوں کی کوہ پیمائی کی اس مہم کے منتظم ادارے نے بھی تصدیق کر دی ہے۔ باقی ماندہ کیمپ ارکان کو زندہ بچا لیا گیا، جن میں سے دو فرانسیسی تھے اور دو مقامی نیپالی باشندے۔

پاکستان میں جرمنی کی سابقہ اولمپک چیمپئن کھلاڑی کے ریسکیو کی کوششیں جاری

قبل ازیں گزشتہ جمعے کے روز بھی اسی نوعیت کے شدید موسمی حالات میں مغربی نیپال میں 6,887 میٹر بلند ایک چوٹی عبور کرنے کی کوشش میں شدید طوفان کی زد میں آ جانے والے اٹلی کے دو کوہ پیما بھی ہلاک ہو گئے تھے۔

دنیا کی دس بلند ترین پہاڑی چوٹیوں میں سے آٹھ نیپال ہی میں ہیں، جن میں دنیا کی بلند ترین چوٹی ماؤنٹ ایورسٹ بھی شامل ہے۔

پچاس سالہ جرمن کوہ پیماہ خاتون پہاڑ سے گر کر ہلاک

کوہ پیمائی کے شعبے کے تاریخی اعداد و شمار کے مطابق 1950 سے لے کر آج تک مختلف ممالک میں برف پوش چوٹیوں کو سر کرنے کی کوششوں میں مجموعی طور پر کم از کم بھی 1,093 افراد ہلاک ہو چکے ہیں، جن میں سے تقریباﹰ ایک تہائی برفانی تودوں کے نیچے دب جانے کے باعث ہلاک ہوئے۔

خلیجی عرب ریاست قطر نے یورپی یونین کو وارننگ دی ہے کہ وہ یونین کے مجوزہ ’سبز قوانین‘ کے باعث اس بلاک کو مائع قدرتی گیس کی ترسیل بند کر سکتا ہے۔ دوحہ کو انسانی حقوق اور تحفظ ماحول کے شعبے میں یونین کے ان مجوزہ ضابطوں پر اعتراض ہے۔

قطر نے جرمنی کو گیس کی فراہمی کے معاہدے پر دستخط کر دیے

یورپی یونین کی بڑے بڑے کارپوریٹ اداروں کے لیے ان کی پالیسیوں کو زیادہ دیرپا بنانے کے سلسلے میں ضروری فرض شناسی سے متعلق ہدایت یا سی ایس ڈی ڈی ڈی نامی نئے ضابطے کا مقصد ’’انسانی حقوق اور تحفظ ماحول کے لیے نقصان دہ‘‘ ان اثرات کا ازالہ کرنا ہے، جس کی وجہ اس بلاک کی دنیا بھر میں پھیلی ہوئی سپلائی چین بنتی ہے۔

قطر روسی گیس پر انحصار کو کم کرنے میں مدد کرے گا، جرمنی

ان نئے یورپی ضابطوں کی تیاری کے دوران مختلف یورپی ممالک کے رائٹ، لیفٹ اور ماحول دوست دھڑوں سمیت بہت سے سیاسی رہنماؤں نے بھرپور حمایت کی تھی، لیکن یورپ ہی میں کئی سیاسی حلقے ان ضابطوں کے اس لیے خلاف بھی ہیں کہ ان کے بقول یہ کاروباری اداروں کے لیے ’’بہت زیادہ بوجھ‘‘ بن جائیں گے۔

قطر اور فرانس کے مابین تاریخی معاہدہ

اس پس منظر میں خلیجی ریاست قطر کی طرف سے اب کہا گیا ہے کہ یورپی یونین کو اپنے Corporate Sustainability Due Diligence Directive کو منسوخ کرنے یا اس کی شدت کم کرنے پر غور کرنا ہو گا۔

جرمنی کو روسی گیس کے متبادل کی تلاش، وزیر قطر پہنچ گئے

قطر کے وزیر توانائی سعد الکعبی نے کہا، ’’اگر یورپ نے CSDDD پر دوبارہ غور نہ کیا، جس کے تحت اس ڈائریکٹیو کی خلاف ورزی کی صورت میں ہمیں دنیا بھر سے ہونے والی اپنی آمدنی کے پانچ فیصد کے برابر تک جرمانہ کیا جا سکتا ہے، تو لازمی بات ہے کہ پھر ہم یورپ کو مائع قدرتی گیس برآمد نہیں کریں گے۔‘‘

کویت میں ایک ٹریلین کیوبک فٹ گیس کے نئے آف شور ذخائر دریافت

تیل اور قدرتی گیس سے مالا مال خلیجی ریاست قطر دنیا بھر میں امریکہ،آسٹریلیا اور روس کی طرح سب سے زیادہ مائع قدرتی گیس پیدا کرنے والا ملک ہے۔

یورپی یونین کے CSDDD نامی ضابطوں کی تجویز یورپی کمیشن نے 2022ء میں دی تھی، جنہیں اس بلاک نے اپریل 2024ء میں منظور بھی کر لیا تھا۔ لیکن یہ مجوزہ یورپی ضابطے ابھی نافذ العمل نہیں ہوئے۔

امریکہ کے سابق نائب صدر ڈک چینی 84 برس کی عمر میں اتقال کر گئے ہیں۔ سخت گیر حد تک قدامت پسند ڈک چینی کو امریکی تاریخ کے سب سے زیادہ طاقت ور اور سب سے زیادہ داخلی سیاسی تقسیم کا باعث بننے والے نائب صدور میں سے ایک قرار دیا جاتا تھا، جنہوں نے صدر صدام حسین کی حکومت کے خلاف عراق میں امریکی فوجی مداخلت کی بھی بھرپور حمایت کی تھی۔

’واٹر بورڈنگ‘ کی دوبارہ اجازت دی جائے، ڈک چینی

ڈک چینی کے خاندان کی طرف سے جاری کردہ ایک بیان کے مطابق سابق نائب صدر کا انتقال پیر اور منگل کی درمیانی رات نمونیا، دل اور دوران خون کے عوارض کی وجہ سے پیدا ہونے والی طبی پیچیدگیوں کے باعث ہوا۔ ان کی عمر 84 برس تھی۔

ان کے خاندان کی طرف سے جاری کردہ بیان میں کہا گیا، ’’ڈک چینی نے عشروں تک امریکی قوم کے لیے خدمات انجام دیں، جس دوران وہ وائٹ ہاؤس کے چیف آف اسٹاف بھی رہے، ریاست وائیومنگ سے امریکی کانگریس کے رکن بھی، امریکہ کے وزیر دفاع بھی اور پھر ملکی نائب صدر بھی۔‘‘

ڈک چینی نے ایک سرکردہ سیاستدان کے طور پر ایک ہی خاندان سے تعلق رکھنے والے دو مختلف امریکی صدور کے ساتھ بھی کام کیا تھا۔ صدر جارج بش سینئر کے دور میں وہ اس وقت امریکی وزیر دفاع تھے، جب خلیج فارس کی جنگ ہوئی تھی۔ اس کے بعد بش سینئر کے بیٹے اور صدر جارج ڈبلیو بش کے دور میں وہ امریکی نائب صدر کے عہدے پر فائز تھے۔

وہ طویل عرصے سے دل کے مریض بھی تھے اور نائب صدر کے منصب پر اپنی ذمے داریاں انجام دینے کے بعد کے عرصے میں ان کا ہارٹ ٹرانسپلانٹ بھی ہوا تھا۔

اقوام متحدہ کے سیکرٹری جنرل انٹونیو گوٹیرش نے اسرائیل اور حماس کے درمیان غزہ پٹی کی دو سالہ جنگ میں امریکہ اور دیگر ثالث ممالک کی کوششوں سے طے پانے والے فائر بندی معاہدے کی ’مسلسل خلاف ورزیوں‘ کی بھرپور مذمت کی ہے۔

غزہ میں اقوام متحدہ کے مینڈیٹ پر کام جاری ہے، ترکی

عالمی ادارے کے سربراہ گوٹیرش نے منگل چار نومبر کے روز قطر کے دارالحکومت دوحہ میں صحافیوں سے گفتگو کرتے ہوئے کہا کہ غزہ پٹی کے فلسطینی علاقے کے لیے انتہائی تباہ کن ثابت ہونے والی جنگ میں اب جو فائر بندی نافذ ہے، انہیں اس کی خلاف وزیوں پر گہری تشویش ہے۔

جنوبی لبنان میں نئے اسرائیلی فضائی حملوں میں دو افراد ہلاک، سات زخمی

انٹونیو گوٹیرش نے دوحہ میں سماجی ترقی کے موضوع پر دوسری ورلڈ سمٹ کے حاشیے پر صحافیوں سے گفتگو کرتے ہوئے کہا کہ وہ ’’غزہ پٹی میں سیزفائر کی متواتر خلاف ورزیوں پر شدید تشویش میں مبتلا ہیں۔‘‘

اقوام متحدہ کے سیکرٹری جنرل نے کہا، ’’ان خلاف ورزیوں کو لازمی طور پر ختم ہونا چاہیے اور تمام فریقوں کو ہر حال میں غزہ امن معاہدے کے پہلے مرحلے میں کیے جانے والے جملہ فیصلوں پر عمل درآمد کرنا چاہیے۔‘‘

غزہ پٹی میں تازہ اسرائیلی حملوں میں ہلاکتوں کی تعداد ایک سو چار ہو گئی

غزہ جنگ بندی معاہدے پر عمل درآمد 10 اکتوبر کو شروع ہوا تھا، جس کے بعد وہاں لڑائی زیادہ تر رک چکی ہے تاہم غزہ پٹی میں اسرائیلی فوجیوں پر اکا دکا حملے اب بھی دیکھنے میں آتے ہیں جبکہ سیزفائر کے نفاذ کے بعد سے وہاں کی جانے والے اسرائیلی فضائی اور زمینی فوجی کارروائیوں میں مقامی وزارت صحت کے مطابق تاحال کم از کم 239 افراد مارے جا چکے ہیں۔