Upinzani kuitisha maandamano tarehe 3. | Habari za Ulimwengu | DW | 01.01.2008
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Upinzani kuitisha maandamano tarehe 3.

Nairobi.

Zaidi ya watu 100 wanasemekana kuwa wameuwawa katika ghasia ambazo zimezuka nchini Kenya kufuatia kuchaguliwa tena kwa rais Mwai Kibaki siku ya Jumapili. Matangazo kwa njia ya televisheni yamesitishwa na maafisa wa serikali ya Kenya wakati polisi walitumia mabomba ya maji, mabomu ya kutoa machozi na risasi kuzima ghasia hizo.

Akizungumzia ghasia hizo mgombea wa upinzani Raila Odinga ameilaumu serikali kwa kusababisha wananchi kufanya ghasia kupitia majeshi ya usalama.

Idadi ya matukio tuliyoyapata sio kutoka kwa watu, lakini serikali kupitia majeshi yake ya usalama yanajaribu kuwakorofisha watu, na wanawapiga risasi. Na kwa hiyo tutaitisha maandamano makubwa nchi nzima, maandamano ya amani kabisa.

Amri ya kutotembea ovyo mchana imewekwa katika mji wa Kisumu, na polisi katika mji huo wamepewa amri ya kumpiga mtu yeyote risasi ambaye atakwenda kinyume na amri hiyo. Mgombea wa upinzani Raila Odinga ambaye alikuwa mbele katika maoni ya wapiga kura kabla ya uchaguzi amesema kuwa rais Kibaki amefanya njama ya wizi wa kura. Umoja wa Ulaya na wachunguzi wengine katika uchaguzi huo wameeleza kutoridhishwa kwao kwa kiasi kikubwa kuhusiana uhalali wa matokeo ya uchaguzi huo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com