Gates ataka kuimarishwa vita dhidi ya Malaria | NRS-Import | DW | 19.04.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

NRS-Import

Gates ataka kuimarishwa vita dhidi ya Malaria

Bilionea Bill Gates, mdau muhimu katika mapambano dhidi ya Malaria, amesema maambukizi ya ugonjwa huo yameongezeka na yatazidi kuenea, ikiwa viongozi wa dunia hawataweka juhudi mpya katikam kuutokomeza ugonjwa huo.

 Vifo vitokanavyo na Malaria vimekuwa vikipungua tangu mwaka 2000, lakini vianza kuongezeka tena mwaka 2016 kutokana na kudorora kwa juhudi za kupambana na maradhi hayo yanayoenezwa na mbu. Bill Gates alikuwa akizungumza katika mkutano wa kimataifa kuhusu Malaria unaofanyika mjini London, Uingereza.

Takwimu zinaonyesha kuwa Malaria iliwauwa watu 445,000 mwaka 2016, wengi wao wakiwa watoto wenye umri wa chini ya miaka 5, na wanawake wajawazito. Hali kadhalika, mwaka huo ulishuhudia visa vipya vya maambukizi milioni 216, asilimia 90 ya visa hivyo vikiripotiwa barani Afrika.

Mwandishi: Daniel Gakuba

Mhariri: Mohammed Abdulrahman

 

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com