1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW

Boris Johnson i mbijeton mocionit të mosbesimit

6 Qershor 2022

Kryeministri britanik, Boris Johnson, arriti t’i mbijetojë mocionit të mosbesimit, por dhe numri i atyre që votuan për ta rrëzuar ishte i konsiderueshëm.

https://p.dw.com/p/4CLIE
Boris Johnson
Fotografi: Dan Kitwood/POOL/AFP

Kryeministri britanik, Boris Johnson, arriti t'i mbijetojë mocionit të mosbesimit duke siguruar mbështetje të mjaftueshme në partinë e tij për të qëndruar në detyrë megjithë revoltën në radhët e konservatorëve të partisë së tij, e cila ka të ngjarë ta dobësojë atë si udhëheqës dhe të ngjallë pasiguri për të ardhmen e tij.

Großbritannien Premierminister Boris Johnson
Fotografi: PRU/AFP

Ai fitoi mbështetjen e 211 prej 359 deputetëve konservatorë, pra më shumë se shumica e thjeshtë e nevojshme prej 180 votash për të mbetur në pushtet. Gjithsesi edhe numri i atyre që votuan për ta rrëzuar, 148 deputetë, ishte i konsiderueshëm.

Kjo shifër si dhe vetë fakti që partia e tij e mbështeti mbajtjen e mocionit të mosbesimit është shenjë e ndasive të thella mes konservatorëve, më pak se tre vjet pasi Boris Johnson e udhëhoqi partinë drejt fitores më të madhe zgjedhore prej disa dekadash.