1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Sport

Hansi Flick traineri i ri i kombëtares gjermane

26 Maj 2021

Ish-trajneri i ekipit Bayern München, Hansi Flick, nënshkroi marrëveshjen për t'u bërë trajneri i ri i kombëtares së Gjermanisë.

https://p.dw.com/p/3twnl
Fußball Champions League Bayern München - Lazio Rom
Fotografi: Sven Hoppe/dpa/picture alliance

Hans Dieter Flick, apo Hansi sikurse e njohin shumica, do të zëvendësojë ish-shefin e tij Joachim Löw pas Kampionatit të ardhshëm Evropian.

Flick është ish-ndihmës i trajnerit në largim Joachim Löw dhe ishte, në fakt, pjesë e stafit që trajnoi ekipin gjerman që fitoi Kupën e Botës 2014. Kontrata e tij me Federatën Gjermane të Futbollit (DFB) njoftohet se zgjat deri në vitin 2024, viti kur në Gjermani do të zhvillohet Kampionati Evropian i Futbollit.

Vorschau Klub WM 2021 Quatar vom 04.02.-11.02.2021. Hans Dieter Flick
Fotografi: Sven Simon/imago images

Flick do të marrë pjesë gjithashtu në Kupën e Botës 2022 në Katar duke punuar me një numër fytyrash të njohura, si për sa i përket stafit edhe lojtarëve. Lojtarët e Bayernit si Manuel Neuer, Joshua Kimmich, Leon Goretzka, Serge Gnabry dhe Thomas Müller përbëjnë shtyllën kurrizore të ekipit të Gjermanisë, ndërsa puna e Flick me DFB do të thotë se ai kthehet në një mjedis të njohur.

Fussball Champions League  Finale  Paris St. Germain - Bayern Muenchen
Me trajnerin Hansi Flick, FC Bayern i Mynihut siguroi fitoren në finalen e Ligës së Kampionëve kundër Paris St. GermainFotografi: Imago Images/SvenSimon

Gjermania e fillon fushatën e saj kundër kampiones së botës Francës më 15 qershor. Ndërsa ndeshja e parë me në krye Flick ka të ngjarë të jetë një nga ndeshjet kualifikuese të Kupës së Botës kundër Lihtenshtajnit më 2 shtator.