1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Theresa May ta ci alwashin kare matsayinta

Abdullahi Tanko Bala
November 16, 2018

Duk da matsananciyar adawa da ta ke fuskanta kan shirinta na ficewar Birtaniya daga kungiyar Tarayyar Turai EU, Firaminista Theresa May ta ci alwashin cigaba da kare matsayinta da kuma gwamnati.

https://p.dw.com/p/38Pzx
Großbritannien Theresa May in London
Hoto: picture-alliance/dpa/M. Dunham

Firaministar Birtaniya Theresa May ta sami goyon bayan wasu jiga jigan ministoci biyu na gwamnatinta yayin da take fadi tashin kare matsayinta a dambarwar ficewar Birtaniyar daga kungiyar tarayyar Turai EU.

Wannan dai na zuwa ne bayan da a ranar alhamis wasu ministocin gwamnati su hudu suka ajiye mukamansu domin adawa da shirinta na ficewar kasar daga kungiyar EU.

An dai sa ido ne akan ministan muhalli Michael Gove wanda ya kada kuri'ar ficewa.

A waje guda kuma Firaminista Theresa May ta cike gurbin ministoci biyun  da suka yi murabus.

Ta ci alwasin cigaba da kare daftarin yarjejeniyar da ta cimma da kungiyar Tarayyar Turai, tana mai cewa yarjejeniya ce da za ta amfani jama'ar Birtaniya.