1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Siriya: Hadakar sintirin Amirka da Turkiyya

Muntaqa Ahiwa
September 8, 2019

Kasashen Amirka da Turkiyya, sun kaddamar da wani sintiri na hadin gwiwa a yankin arewa maso gabashin kasar Siriya.

https://p.dw.com/p/3PFQm
Nordsyrien l USA und Türkei starten gemeinsame Patrouillen
Hoto: Getty Images/AFP/D. Souleiman

Hakan dai wani kokari ne na sassauta rikicin da ke tsakanin kasashen kan mayakan Kurdawa a Siriya.

A karon farko an ga wasu motocin sulke daga Turkiyya da suka ratsa iyaka don hadewa da na Amirka wajen aiki tare bayan nasarar cimma wata yarjejeniya.

Shaidu sun ce an ga wasu jiragen Helikofta biyu da suka yi rakiyar motocin na yaki, lokacin da suke ratsa katangar da ke kan iyakar Turkiyyar da kuma Siriya.

Yarjejeniyar da aka cimma a ranar bakwai ga watan Augusta, na da burin samar da tudun mun tsira a iyakar Siriya da kuma Turkiyyar gabas da wani kogin da mayakan Kurdawa ke iko da shi.