Amurka za ta karfafa saka hannun jari a Birtaniya

Shugaban Amurka Donald Trump ya fara wata ziyarar aiki ta musamman a Birtaniya, tun a yammacin Talata inda zai shafe kwanaki biyu yana ganawa da shugabannin siyasa da na sarauta.

Ana sa ran a kan wannan ziyara, Amurka da Birtaniya za su karfafa hulda da kuma kasuwanci a tsakanin kasashen biyu.

Tuni dai kamfanin harhada magunguna na Birtaniya GSK ya sanar da cewa zai zuba jari na dala biliyan 30 a cikin shekaru biyar a Amurka.