Samun galaba a kan Boko Haram | Labarai | DW | 25.09.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Samun galaba a kan Boko Haram

Rundunar sojoji a Tarayyar Najeriya ta sanar da cewa daruruwan 'yan kungiyar Boko Haram sun mika makamansu ga jami'an tsaro.

Kakakin rundunar sojojin kasar Janar Chris Olukolade ne ya sanar da hakan ga manema labarai a Abuja, fadar gwamnatin Tarayyar ta Najeriya, inda ya ce 'yayan kungiyar ta Boko Haram sun mika makaman nasu ne a garuruwan Biu da Mairiga da Buni Yadi da Mubi da kuma Michika. Haka nan ma ya ce wasu sun mika makaman ga jami'an tsaro a makobciyar Najeriyar wato kasar Kamaru. Olukolade ya kuma tabbatar da cewa sun hallaka wanda ya ke bayyana a faifen Video a matsayin shugaban kungiyar ta Boko Haram Abubakar Shekau mai suna Mohammed Bashir, yayin wata arangama da sojojin suka yi da 'yan kungiyar a garin Konduga dake kimanin kilomita 35 da garin Maiduguri fadar gwamnatin jihar Borno, a tsakanin ranakun 12 zuwa 17 ga wannan wata na Satumba da muke ciki. Dubun dubatar rayuka ne dai 'yan kungiyar ta Boko Haram suka hallaka a Tarayyar Najeriyar ta hanyar kai hare-haren ta'addanci da bama-bamai da kuma manyan bindigogi.