1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Sabuwar dangantakar Rasha da Turkiya

Yusuf BalaAugust 9, 2016

A ziyararsa da ke zama ta farko tun bayan yunkurin juyin mulki da ya gaza nasara Shugaba Recep Tayyip Erdogan zai gana da Shugaba Vladimir Putin a St Petersburg a ranar Talatan nan.

https://p.dw.com/p/1JeQE
Russland Recep Tayyip Erdogan und Wladimir Putin G-20 Türkei 2015
Shugaba Erdogan da Shugaba PutinHoto: picture-alliance/AP Photo/L.Pitarakis

Kafin dai tafiyar ta Shugaba Erdogan ya bayyana cewa wannan ziyara tasa ita ce mataki na gaba a bude sabuwar dangantaka tsakanin kasashen biyu.

Shugaban na Turkiya ya ce ya na so su sake bude sabon shafi a dangantaka da ke tsakanin kasashensu ta fannin tsaro da tattalin arziki da ci gaban al'adu.

Dangantaka dai tsakanin kasar ta Turkiya da kawayenta na Turai da Amirka ta yi tsami bayan da kasar ta tasamma al'ummarta da kame-kame da gallazawa da sunan zagin wasu da kitsa juyin mulki da bai samu nasara ba.

Su ma dai Rasha da Turkiya an nuna 'yar yatsa bayan da Turkiya ta kakkabo wani jirgin Rasha a kan iyaka da Siriya a watan Nuwambar bara.