Russia 2018: An lallasa Saudiyya

'Yan kwallon kafar Rasha sun lallasa takwarorinsu na Saudiyya da ci biyar da nema a wasan farko na cin kofin duniya na kwallon kafa da aka fara a yau din nan a kasar ta Rasha. Iury Gazinsky ne ya fara jefawa Rasha kwallonta ta farko a wasa a minti na 12 da fara wasa yayin da Denis Cheryshev ya jefa kwallo na biyu jim kadan kafin tafiya hutun rabin lokaci. Sauran kwallayen kuwa an jefasu ne bayan da aka dawo hutun rabin lokaci.