1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Rasha ta kaddamar da hare-hare a birnin Kyiv na Ukraine

Muntaqa Ahiwa
November 14, 2025

Sojojin Rasha sun kaddamar da wani mummunan hari da wannan safiya ta Juma'a, a Kyiv babban birnin kasar Ukraine, inda suka amfani da jirage marasa matuka da rokokin yaki.

https://p.dw.com/p/53b1n
Wutar harin Rasha a sararin birnin Kyiv yayin wani sabon hari da Rasha ta kai
Wutar harin Rasha a sararin birnin Kyiv yayin wani sabon hari da Rasha ta kaiHoto: Gleb Garanich/REUTERS

Hukumomi a Ukraine sun ce harin na Rasha ya yi wa gine-gine da dama illa, tare da haifar da fashe-fashe da gobara a wasu sassa na birnin Kyiv fadar gwamnatin kasar.

Magajin garin birnin, Vitali Klitschko, ya tabbatar da cewa mutane biyu sun ji rauni a cikin hare-haren na yau.

A cikin sakon da ya wallafa a shafin Telegram, Klitschko ya bayyana cewa birnin Kyiv na karkashin hare-haren Rasha, tare da umartar mazauna da su garzaya wuraren buya domin tsira.

Shugaban hukumar kula da tsaron rundunar soja ta Kyiv, Tymur Tkachenko, ya bayar da umarni ga rundunonin agajin gaggawa da su yi hanzarin zuwa yankunan da abin ya shafa domin tunkarar illolin harin.