Jirgin sama ya fadi a Rasha

Hukumomin sun ce jirgin ya fado ne a lokacin da yake kokarin tashi sama, an tabbatar da samun mutane bakwai da rai bayan faduwar jirgin, kuma tuni aka garzaya da su asibiti, sai dai daya daga cikinsu na cikin mawuyacin hali a cewar likitoci.

Hotunan da ma'aikatar agajin gaggawa a kasar Rasha ta wallafa sun nuna yadda jirgin ya rabu gida biyu. A cewar kamfanin dillancin labarai na Interfax, jirgin da ya fadi mallakar wani kamfanin sa kai ne da ke taimakon Sojoji. Wannan dai shi ne hatasrin jirgin sama na biyu da ya faru a kasar Rasha a shekarar 2021.