Nijar: Gobara ta halaka dalibai a makaranta | Labarai | DW | 08.11.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Nijar: Gobara ta halaka dalibai a makaranta

Kimanin kananan yara 24 sun mutu sakamkon tashin gobara a wata makaranta a Maradi da ke Jamhuriyar Nijar inda hukumomin gwamnati suka ce kusan dalibai 80 maza da mata sun samu raunika sakamakon konewa.

Gobarar ta tashi ne a azuzuwa uku da aka yi su da katakai a kudancin jihar Maradi, zuwa yanzu dai ba a tabbatar da musabbabin tashin gobarar ba.

Bangaren ilimi dai a Jamhuriyar Nijar ba ya samun kaso mai tsoka, matakin da ke da nasaba da rashin wadatattun makarantun boko masu inganci a kasar. Sai dai shugaban kasar na yanzu Mohamed Bazoum ya sha alwashin farfado da harkar ilimi a kasar.