Mutane sun mutu a Diffa | Labarai | DW | 24.08.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Mutane sun mutu a Diffa

Rahotannin da ke fitowa daga Jamhuriyar Nijar, sun ce wani hari da ake zargin mayakan Boko Haram da kaiwa, ya halaka akalla mutum 12 a yankin kudu maso gabashin kasar.

Maharan sun kai harin ne cikin daren da ya gabata a gundumar Gueskerou na yankin Diffa, yankin kuma da ke fama da hare-haren da kuma garkuwa da mutane.

Shaidu sun ce 11 daga cikin wadanda suka mutun, an kashe su ne da tsinin bindiga.

Ko cikin watan Maris da ya gabata ma wani harin ya yi sanadin mutuwar fararen hula takwas da kuma jami'an 'yan sanda bakwai.

Kungiyar Boko Haram mai fafutukar kafa daula ta halaka sama da mutum dubu 27 a Najeriya kadai.