Matashi ya jikkata mutane a masallaci

Rahotaanni daga jihar Kano da ke arewacin Najeriya na cewa akalla mutane 24 sun jikkata, ciki har da wasu yara kanana guda hudu a lokacin da wani mutum ya cinna wuta a cikin wani masallaci bayan sallar asuba a unguwar Gadan.

'Yan sanda sun sun tabbatar da kama matashi mai shekaru 38 wanda ya tabbatar da kai harin tare da cewa ya aikata hakan ne saboda an bata masa rai a gidansu.

Binciken farko na 'yan sanda ya nuna cewa matashin ya yi amfani da gas wajen haddasa fashewa a cikin masallacin, sai dai hukumomi sun ce ana cigaba da gudanar da bincike.