1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Scholz ya gana da Macron a Berlin

Abdul-raheem Hassan
May 9, 2022

Shugaban kasar Faransa Emmanuel Macron ya isa birnin Berlin fadar gwamnatin Jamus, don ganawa da shugaban gwamnati Olaf Sholz kan batutuwan da suka shafi makomar Ukraine bayan mamayar da Rasha ta yi mata.

https://p.dw.com/p/4B3bc
Shugaban Faransa Emmanuel Macron da Shugaban gwamnatin Jamus Olaf Scholz a Berlin
Hoto: Lisi Niesner/REUTERS

Baya ga batun mamayar Rasha a Ukraine, batutuwan da za su dauki hankalin ganawar shugabannin biyu sun hada da halin da ake ciki a yankin Sahel na Afirka da alakar kasashe da yankin Balkan da manufofin EU a kan Chaina. Wannan dai shi ne karon farko da shugaban Faransan Emmanuel Macron ke ziyara  a Jamus, tun bayan zabensa karo na biyu a mastayin shugaban kasa a wa'adi na biyu na tsawon shekaru biyar. Ziyarar dai na zuwa ne, a daidai lokacin da Rasha ke cika shekaru 77 da samun galaba a kan 'yan Nazi a Jamus yayin yakin duniya na biyu.