Jihohin Najeriya sun kaddamar da yaki kan 'yan fashi

Tun bayan da matsalar tsaro ta soma kamari a Najeriya, jihohin kasar suka fara sanar da sabbin matakai da suke ganin za su taimaka a yakar masu tayar da kayar baya da ke yawan kai hare-hare da sace jama'a suna neman kudin fansa. Bayan shirin Amotekun na wasu jihohi hudu a yankin Kudu maso yammancin Najeriya, a jihar Kaduna ma an samar da shiri mai taken ''Shege ka Fasa'' Rundunar za ta yaki 'yan fashi tare da tabbatar da zaman lafiya.