Iyaye na gudun rigakafin yara a Ostareliya da Amirka | Labarai | DW | 12.04.2015
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Iyaye na gudun rigakafin yara a Ostareliya da Amirka

Ana dai samu yara da ke kamuwa da cutar bakon dauro a wasu kasashen na Turai da wasu sassan Amirka saboda kin alluran rigakafi daga iyayen yara.

Firaministan kasar Ostareliya Tonny ya bayyana a yau Lahadi cewa kasar za ta fidda tsarin sanya shinge ga cin moriyar gwamnati ga iyalan da suka ki amincewa 'ya'yansu a yi musu allurar rigakafi.

Wannan tsari na zuwa ne bayan da ake samun iyalai da dama a kasar da basa bari a yi wa 'ya'yansu allluran rigakafi wacce suke cewa tana da hadari ga lafiyar 'ya'yansu.

Wannan yukunuri dai na zuwa ne adaidai lokacin da ake samun bullar cutar kyanda wacce ke da rigakafi a wasu daga cikin kasashen Turai da ma wasu sassan Amirka.

Fiye da yara 39,000 ba a yi musu allurar rigakafin ba a kasar ta Ostareliya.