Faransa ta ce a sake zama kan Boko Haram | Labarai | DW | 15.05.2015
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Faransa ta ce a sake zama kan Boko Haram

A lokacin da ya gana da takwaran aikinsa na Chadi a birnin Paris, shugaban Faransa Francois Hollande ya bukaci a sake shirya taron kasa-kasa kan yaki da Boko Haram.

Francois Hollande

Francois Hollande

Shugaban na ChadiDeby Itano ya ce lalle an karya lagwon kungiyar Boko Haram, amma kuma mayakanta na nan a warwatse kuma suna hare-haren sari ka noke. Shugaban na Faransa ya nemi kasashen da ke da hannu cikin yakin da ake da Boko Haram su sake wani zama don ganin abubuwan da za su iya yi tare.

Ya yin wata ziyara da ya kai a birnin Abuja na Tarayyar Najeriya a farkon wannan makon, Shugaban kasar ta Chadi Idriss Deby ya nuna rashin jin dadinsa kan yadda ba'a samun hadin kai tsakanin sojojinsu da na Najeriya duk kuwa da cewa sojojin nasu na yakin ne cikin kasar ta Najeriya.