1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Ma'anar Maguzanci a harshen Hausa

Yusuf Bala Nayaya
November 19, 2018

Kalmar Maguzanci na nufin rashin addini, mutanen da basa bautar ubangiji. A kasar Hausawa duk mutanen da basu karbi Musulunci ba ana kiransu da wannan suna a cewar Dr. Tahir Adamu na jami'ar Bayero Kano Najeriya.

https://p.dw.com/p/38W1S

Maguzanci na nufin rashin addini, mutanen da ba sa bautar ubangiji. A Makka Annabi S.A.W ya samu mutane Maguzawa kafin su musulunta. A kasar Hausawa duk mutanen da basu karbi Musulunci ba ana kiransu da wannan suna kamar yadda ake gani a wasu sassa na Kano da Jigawa da Katsina a cewar Dr. Tahir Adamu na jami'ar Bayero Kano. Alal misali a Kano wajen Sumaila da Gwarzo, a Tudun Wada a Jigawa a kasar Roni da Katsina a wajen kasar Birci. Duk mutumin da ke zama Bahaushe wanda bai karbi Musuluncin ba akan kira shi da Bamaguje kamar yadda Dr. Tahir Adamu da aka fi sani da Baba Impossible ya yi karin haske.