1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Al-ka'ida ta sako dan Faransa bayan shekaru uku

Yusuf BalaDecember 9, 2014

Serge Lazarevic da aka yi garkuwa da shi sama da shekaru uku a hannun kungiyar ta Al-ka'ida reshen Afrika ya kubuta a raye, adaidai lokacin da wadanda ake garkuwa da su ke rasa rayukansu.

https://p.dw.com/p/1E1dy
Serge Lazarevic
Serge Lazarevic: Dan asalin Faransa da ya samu kansa bayan shekaru uku a na garkuwa da shiHoto: picture-alliance/AP Photo/Comite de Soutien pour Philippe Verdon et Serge Lazarevic

Wannan mutumin dan asalin kasar Faransa ya samu kansa a yau Talata ne bayan da Kungiyar Alka'ida reshen arewacin Afrika ta yi garkuwa da shi fiye da tsawon shekaru uku.

Serge Lazarevic ya samu kansa ne bayan wata tattaunawa tsakanin mahukuntan Faransa da Mali da Jamhuriyar Nijar, a cewar shugaban Fransa yana cikin koshin lafiya duk kuwa da cewa yana hannune na masu garkuwa da mutane.

Sakin nasa dai na zuwa ne kwanaki bayan da aka sako wasu da aka kame saboda wasu batutuwa masu alaka da garkuwar da shi daga gidan kaso.

Bayyanar labarin sakin na Lazarevic dai ya sanya farinciki a zukatan 'yan uwansa dama al'ummar kasar ta Faransa ciki kuwa har da wadanda a baya suma aka yi garkuwa da su ganin yadda a karshen makon da ya gabata wani yunkurin sojan Amirka ya gaza kwato wani dan Amirka da Afrika ta Kudu da reshen Alka'ida a Yemen ya yi garkuwa da su.