یورپی سیاسی نظام ’خطرے میں،‘ فرانسیسی وزیر خارجہ

فرانسیسی دارالحکومت سے موصولہ رپورٹوں کے مطابق پیرس میں آج جمعہ نو فروری کو فرانس کے بیرون ملک تعینات سفیروں کا سالانہ اجتماع ہو رہا ہے، جس سے خطاب کرتے ہوئے ملکی وزیر خارجہ ژاں نوئل بارو نے کہا کہ یورپی سیاسی نظام ''خطرے میں ہے، لیکن یورپی تہذیب کوئی ایسی شے نہیں جو ہوا میں تحلیل ہو جائے۔‘‘

میامی مذاکرات کے بعد زیلنسکی یورپ سے مزید مشاورت کے خواہاں

ژاں نوئل بارو نے فرانسیسی سفیروں سے اپنے سالانہ خطاب میں کہا، ''نہیں، یورپی تہذیب ہوا میں تحلیل نہیں ہو جائے گی۔ مگر یہ سچ ہے کہ ہمارا سیاسی نظام آج خطرے میں ہے، اپنے اس بیش قدر استحکام کے باوجود جو اس نظام نے ایسی دنیا میں بھی قائم رکھا ہوا ہے جس کے بارے میں کوئی بھی یقینی پیش گوئی نہیں کی جا سکتی،  اور ہمارے سائنس، ٹیکنالوجی، ثقافت اور مالیاتی شعبوں میں بہت امیر ہونے کے باوجود۔‘‘

امریکی نیشنل سکیورٹی اسٹریٹیجی میں کیا کہا گیا؟

امریکہ میں ڈونلڈ ٹرمپ انتظامیہ کی طرف سے گزشتہ ماہ دسمبر میں ایک ایسی نیشنل سکیورٹی اسٹریٹیجی جاری کی گئی تھی، جس میں یورپ پر حملے کی حد تک شدید تنقید کرتے ہوئے کہا گیا تھا کہ یورپ کو تارکین وطن کی آمد کی وجہ سے اپنے ''تہذیبی طور پر مٹا دیے جانے کے عمل کا سامنا‘‘ ہے۔ ساتھ ہی اس اسٹریٹیجی میں یہ حمایت بھی کی گئی تھی کہ دائیں بازو کی یورپی سیاسی جماعتوں میں ''مزاحمت کی ترویج‘‘ کی جانا چاہیے۔

روسی ایلچی کی میامی روانگی، یوکرینی جنگ سے متعلق نئے مذاکرات

اس امریکی سوچ کو مسترد کرتے ہوئے فرانسیسی وزیر خارجہ بارو نے پیرس میں کہا، ''نہیں، یورپ اپنے تہذیبی طور پر مٹتے جانے کے دہانے پر نہیں ہے اور دکھاوے کے طور پر ایسی آوازوں، جو کہتی ہیں کہ ایسا ہو رہا ہے، کے لیے بہتر یہ ہو گا کہ وہ اپنے مٹتے جانے کی طرف دھیان دینا شروع کریں۔‘‘

یوکرین کی خودمختاری پر کوئی مصالحت نہیں، جرمن چانسلر

فرانس کے اس اعلیٰ ترین سفارت کار نے یورپ اور امریکہ کے تعلقات کے حوالے سے فرانسیسی سفیروں کو بتایا، ''یہ یورپ کا حق ہے کہ وہ امریکہ کی طرف سے پیش کردہ کسی تجویز کو قبول کرنے سے انکار بھی کر سکے۔ امریکہ ہمارا ایسا اتحادی ہے، جس کے ساتھ ہم ہمیشہ ہی یکسوئی اور ہم آہنگی کے ساتھ کھڑے ہوئے تو نہیں ہوتے۔‘‘

یورپی یونین کو درپیش خطرات

فرانسیسی وزیر خارجہ کے مطابق ان کی رائے میں ''یورپی یونین کو اپنے ایسے بیرونی حریفوں اور مخالفین کی وجہ سے خطرات لاحق ہیں، جو اس علاقائی بلاک کے اندر پائی جانے والی وحدت اور یورپی اتحاد کے رشتوں کو نقصان پہنچانے کی کوششیں کر رہے ہیں۔‘‘

سائنس میں چین کا غلبہ یورپ کے لیے کیا معنی رکھتا ہے؟

ساتھ ہی ژاں نوئل بارو نے تنبیہ کرتے ہوئے یہ بھی کہا کہ یورپی یونین کو اس کے اندر پائے جانے والے ''جمہوریت کے حوالے سے تھکن کے احساس کے باعث‘‘ بھی خطرات کا سامنا ہے۔

یوکرین جنگ: مذاکرات کے لیے یورپی رہنماؤں کا دورہ امریکہ

ان کے الفاظ میں، ''ہمیں ایک بات کا واضح طور پر علم ہونا چاہیے۔ آج ہمارے پاس اس بات کی کوئی ضمانت نہیں ہے کہ ہم آئندہ بھی یورپی یونین میں اسی طرح رہتے ہوں گے، جیسے ہم مثلاﹰ گزشتہ ایک دہائی سے رہتے رہے ہیں۔‘‘

ادارت: افسر اعوان