حادثے میں ملوث امریکی سفارت کار پاکستان چھوڑ گیا

اس سفارت کار کو ابتدائی رپورٹس میں امریکی سفارت خانے کا دفاعی اتاشی بتایا گیا تھا ۔ تازہ ترین اطلاعات کے مطابق پیر کی شام کو یہ سفارت کار ملک چھوڑ کر جا چکا ہے۔ نیوز ایجنسی اے ایف پی کو ایک سرکاری اہلکار نے بتایا،’’ ہائی کورٹ کے فیصلے کے مطابق اس سفارت کار کو سفارتی مامونیت حاصل ہے، اس لیے اس شخص کو پاکستان چھوڑنے کی اجازت دی گئی ہے۔‘‘

گزشتہ ماہ اسلام آباد کے ایک چوک پر اس شخص کی اسپورٹس کار نے موٹر سائیکل سوار اور اس کے پیچھے بیٹھے مسافر کو ٹکر مار دی تھی۔ بائیس سالہ عاطف بیگ اس حادثے میں ہلاک ہوگئے تھے اور ان کا رشتہ دار مسافر زخمی ہوا تھا۔

امریکا: غیر ملکی ایجنٹ کیس، پاکستانی شہری کا اعتراف جرم

 پاکستان میں امریکا کے تعلقات ان دنوں تناو کا شکار ہیں۔ اس کی ایک وجہ یہ بھی ہے کہ امریکا پاکستان پر دہشت گردوں کے خلاف مزید کارروائیاں کرنے کے لیے مسلسل زور ڈال رہا ہے۔ اس سال جنوری میں وائٹ ہاؤس  نے پاکستان کی جانب سے شدت پسندوں کی حمایت کرنے کی وجہ سے پاکستان کو دی جانے والی دو ارب ڈالر کی امداد کو روک دیا تھا۔ پاکستان ان الزامات کو کافی عرصے سے مسترد کر رہا ہے۔

ب ج/ ا ا (اے ایف پی)