1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
JamiiBangladesh

Watu 20 wafariki kufuatia mafuriko makubwa Bangladesh

Babu Abdalla
26 Agosti 2024

Watu wasiopungua 20 wamekufa na wengine zaidi ya milioni 5.2 wameathiriwa na mafuriko yaliyosababisha na mvua kubwa na mito iliyojaa maji kupita kiasi nchini Bangladesh.

https://p.dw.com/p/4ju09
Bangladesch | Hochwasser in Chittagong
Wafanyakazi wa kujitolea wakiwahamisha watu walioathirika na mafuriko na kuwapeleka mahali salama eneo la Bishumia Hat, Mirsrai, kusini mwa Bangladesh.Picha: Muhammad Amdad Hossain/ZUMA Press Wire/IMAGO

Mafuriko hayo yamesababisha janga la kibinadamu na kuwaacha raia nchini humo wakihitaji kwa dharura chakula, maji safi, dawa na nguo kavu, hasa katika maeneo ya mbali ambako barabara zilizofungwa zimekwamisha juhudi za uokoaji na misaada.

Mshauri mkuu wa serikali chini ya uongozi wa Mohammad Yunus amesema serikali imechukua hatua zote zinazohitajika kuhakikisha hali ya kawaida inarudi kwa wahanga wa mafuriko.

Soma pia: Yunus: Bangladesh imejipatia uhuru kwa mara ya pili

Zaidi ya watu 400,000 wamehifadhiwa katika vituo 3,500 vilivyotengwa kuhudumia wahanga wa mafuriko katika wilaya 11 zilizoathirika na mafuriko.

Mamlaka imesema timu ya karibu madaktari 750 imetumwa katika wilaya hizo huku wanajeshi na vikosi vya usalama vikisaidia katika juhudi za uokoaji.