1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
MigogoroSudan

UNHCR yahoji mustakabaliwa wa watu wa Sudan

23 Septemba 2024

Kamishna Mkuu wa shirika la Umoja wa Mataifa la kuwahudumia wakimbizi amehoji juu ya mustakabali unaowasubiri watu wa Sudan wakati vita vya wenyewe kwa wenyewe vikiendelea nchini humo.

https://p.dw.com/p/4kyJu
Sudan |Wakimbizi
Wakimbizi wa nchini Sudan wanazidi kwenda maeneo ya mbali zaidi kutokana na hali mbaya, hali inayzidi kuutia wasiwasi Umoja wa MataifaPicha: AFP/Getty Images

Filippo Grandi, Mkuu wa UNHCR amesema tangu kuanza kwa vita mwezi Aprili mwaka 2023, zaidi ya watu milioni 10 wa Sudan wamelazimishwa kuyahama makazi yao, wakiwemo milioni mbili walioondoka kabisa nchini humo na kuonya juu ya mizozo ya Afrika kusahaulika.

"Ni jambo la kutisha kusema kwamba kumekuwa na dhana, ambayo nadhani kwa bahati mbaya ni kweli, kuwa Afrika ina migogoro kila wakati. Sasa kumekuwa na aina ya mazoea, kuyachoka au kuyapuuza majanga hayo."

Grandi amesisitiza kuwa hali ya Sudan inatia wasiwasi pale watu wanapoanza kukimbilia mataifa yasio jirani akielezea ongezeko kubwa la Wasudan takriban 40,000 wanaowasili nchini Uganda na wengine karibu 100,000 wakiwasili nchini Libya.