1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Mzozo wa Israel na HamasBundesligaKivuli cha Ukoloni wa Ujerumani
Siasa

Remdesivir yaidhinishwa kutibu virusi vya corona Ulaya

Jacob Safari
3 Julai 2020

Tume ya Ulaya hii leo imeidhinisha matumizi ya dawa ya kupambana na virusi inayoitwa remdesivir, kutibu virusi vya corona kwa mujibu wa Kamishna wa Afya wa Umoja wa Ulaya Stella Kyriakides.

https://p.dw.com/p/3ekMN
Ägypten Kairo | Coronavirus | Medikament Remdesivir
Picha: Reuters/A. Abdallah Dalsh

Kyriakides amesema katika taarifa yake, kwamba idhini hiyo iliyotolewa leo ni hatua muhimu katika mapambano na virusi hivyo.

Tafiti mbili za Kimarekani zimeonyesha kuwa dawa ya remdesivir, inaweza kupunguza muda wa kukaa hospitalini kwa wagonjwa wa COVID-19. Kwa wastani, inapuinguza wagonjwa kubakia hospitalini kutoka siku 15 hadi 11.

Mnamo Mei mosi, Marekani iliruhusu matumizi ya dharura ya dawa hiyo, ambayo hapo awali ilikusudiwa kutibu ugonjwa wa Ebola. Na baadae zilifuatia nchi za Asia, ikiwa ni pamoja na Japan na Korea Kusini.