PSG dhidi ya Arsenal: Muda ndio utaamua

Kadri saa zinavyosogea kuelekea fainali ya Ligi ya Mabingwa mjini Budapest,  Paris Saint‑Germain wanajiandaa kuleta burudani kupitia safu yao ya ushambuliaji wakipambana dhidi ya safu imara ya ulinzi ya Arsenal, katika pambano linaloonekana kuwa la mitindo miwili tofauti.

Kocha wa PSG, Luis Enrique, amesema hakuna timu iliyo bora kuliko nyengine, akisisitiza kuwa matokeo yataamuliwa na maamuzi madogo ndani ya mchezo.

PSG wanaingia fainali hii wakiwa na safu kali ya ushambuliaji ikiongozwa na Ousmane Dembele. Dembélé amesema Arsenal "wana nguvu kila eneo, na ni hatari kwenye mipira ya ikabu ukizingatia pia Arsenal hawajapoteza mchezo wowote msimu huu wa Champions League.

Arsenal wanatafuta taji lao la kwanza la Ligi ya Mabingwa Ulaya, huku PSG wakisaka kuwa klabu ya kwanza ya Ufaransa kutwaa kombe hilo mara mbili.