Ligi Kuu England na Italia zaridhia kumaliza msimu | Michezo | DW | 04.05.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Matangazo

Michezo

Ligi Kuu England na Italia zaridhia kumaliza msimu

Vilabu vya England juma lililopita vilithibitisha nia ya kuumaliza msimu mara tu vikwazo vya corona vitakapoondolewa. Wachezaji katika ligi hiyo wanaonekana kuwa na hofu kwani bado chanjo ya corona haijapatikana.

Huyu hapa Sergio Aguero, mshambuliaji wa klabu ya Manchester City.

"Bila shaka idadi kubwa ya wachezaji wana hofu kwa kuwa wana familia, wana watoto, kwa hiyo natarajia kwamba chanjo itapatikana hivi karibuni ili jambo hili liishe kabisa," alisema Aguero.

Bado kuna mechi 92 hazijachezwa katika ligi hiyo ya England.

Uamuzi kama huo wa vilabu vya England umechukuliwa pia na vilabu vya Italia ambayo iliathirika vibaya na virusi vya corona ila kwa sasa imeanza kuondoa vikwazo vyake polepole kuanzia leo.

Huko Uhispania, wachezaji wataanza kupimwa virusi hivyo kuanzia Jumanne hadi Alhamis na baada ya hapo waanze mazoezi binafsi.

Matangazo

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com