Federer abanduliwa na chipukizi Miami Open | Michezo | DW | 26.03.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Michezo

Federer abanduliwa na chipukizi Miami Open

Kinyang'anyiro cha Miami Open kinaendelea huko Marekani. Mchezaji nambari moja duniani Roger Federer alishangazwa na Muaustralia Thanasi Kokkinakis.

Federer alibanduliwa kwenye raundi ya pili aliposhindwa kwa seti tatu za 3-6 6-3 7-6.

Kokkinakis mwenye umri wa miaka 21 na ambaye anaorodheshwa katika nafasi ya 175 duniani anasema bado haamini kama alimshinda bingwa huyo.

"Ni ushindi ambao sikuutarajia, nimefanya mazoezi naye mara nyingi na nimekuwa nikijifunza mengi kutoka kwake kwa kuwa bila shaka ni kielelezo chema kwa mchezo wa tennis," alisema Kokkinakis. "Amenialika Dubai mara kadhaa kwa mazoezi kwa hiyo niliyachukua machache niliyojifunza kutoka kwake na nikacheza mchezo wangu na nikashinda," aliongeza mchezaji huyo.

UK Tennis - ATP World Tour Finals | Dimitrov gegen Goffin (Reuters/T. O'Brien)

Mchezaji Tennis wa Bulgaria Grigor Dimitrov

Federer baada ya mechi hiyo alisema tu kwamba bahati haikuwa upande wake na kila kitu kilikoseka kutoka mwanzo wa mechi.

"Ni jambo la kuvunja moyo sana. Sijui ni kwanini sikuweza kufika katika kiwango ambacho kingenifurahisha leo lakini wakati mwengine kunakuwa na mechi kama hizi ambapo kuna wakati unazishinda ila leo sikuwezakufanya hivyo," alisema Federer.

Mchezaji mwengine wa hadhi ya juu aliyebwagwa ni Grigor Dimitrov wa Bulgaria ambaye alibanduliwa na Jeremy Chardy wa Ufaransa kwa seti mbili za 6-2 6-2.

Mwandishi: Jacob Safari/DPAE/Reuters/AFPE

Mhariri: Mohammed Abdul-Rahman

Matangazo

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com