Bundesliga: Hatma ya kocha Henriksen yaning’inia

Kipigo cha 4-0 dhidi ya Freiburg kimeongeza rekodi yao mbaya ya kutoshinda katika mechi nane mfululizo za ligi. Mainz wana pointi sita tu kutokana na mechi 12 na ushindi mmoja pekee.

"Tutajadili hali hii kwa wakati muafaka na hatutatangaza chochote kwa sasa. Bila shaka ni wazi kwamba baada ya mchezo kama huu na nafasi yetu ya sasa kwenye msimamo wa ligi, hali ni ya kukatisha tamaa mno. Tutapitia kila eneo na kuangalia jinsi ya kusonga mbele," Bungert aliambia DAZN.

"Tulikuwa bila nafasi yoyote kuanzia dakika ya kwanza. Tulikusudia kubadili mambo, lakini hatukufanikiwa. Hatimaye, ni ushindi wa 4-0 uliostahili kabisa kwa Freiburg, na kutokana na hali tuliyo nayo sasa, nafasi ya mwisho kwa sisi pia ni ya haki."

Kocha Henriksen, ambaye msimu uliopita aliiongoza Mainz kufuzu kwa Europa Conference League ya msimu huu, anaamini bado atakuwa kwenye benchi Ijumaa ijayo dhidi ya Borussia Mönchengladbach.

"Nadhani nitakuwepo," alisema Kocha huyo raia wa Denmark, ambaye bado ana matumaini na nia njema kwa timu, pamoja na wachezaji.

"Lazima tujiboreshe. Sisi sote, si wachezaji tu — mimi pia, na klabu nzima." Aliongeza kusema Henriksen.