BP kupata mkurugenzi mpya | Wafanyakazi wa Idhaa ya Kiswahili | DW | 28.07.2010
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Matangazo

Timu Yetu

BP kupata mkurugenzi mpya

Kampuni ya mafuta ya Uingereza,BP imetangaza kuwa mkurugenzi mkuu anayeondoka madarakani Tony Hayward,atajiuzulu rasmi ifikapo Oktoba mosi

Nembo ya BP

Nembo ya BP

Wadhifa huo utamuendea Bob Dudley,ambaye ni Mmarekani.Kampuni hiyo kubwa ya mafuta inajitahidi kulisafisha jina lake huko Marekani kufuatia ajali ya kisima kuvuja mafuta yaliyotanda kwenye eneo la Ghuba ya Mexico.Dudley amekuwa akisimamia operesheni za kulisafisha eneo hilo na ameahidi kufanya kila linalohitajika kulisafisha pia jina la kampuni hiyo.

BP / Ölpest / Golf / Mexiko / USA

Kizibo kwenye kisima cha mafuta kilichokuwa kikivuja katika Ghuba ya Mexico

Bob Dudley amekiri kuwa kampuni ya mafuta ya BP imejifunza mengi kwasababu ya mkasa huo na kutokana na hilo wataiimarisha taasisi hiyo.Ajali hiyo imesababisha hasara ya kiasi cha dola bilioni 17 katika kipindi cha robo ya pili ya mwaka.Hasara ya namna hiyo haijawahi kushuhudiwa kwenye robo ya pili ya mwaka katika historia ya biashara ya Uingereza.Hayward ataendelea kuwa msimamizi wa viwanda vya BP vilivyoko Urusi.

Wachambuzi wa masuala ya kisiasa,wanaeleza kuwa Bp pia inakabiliwa na shutuma nzito za kulihusisha kampuni hilo kushinikiza kuachiwa mtuhumiwa wa uripuaji ndege ya Lockerbie raia wa Libya, Abdelbaset Ali Mohment al-Megrahi ili kuweza kupata kandarasi ya kuchimba mafuta nchini Libya,kufuatia kurega rega kwa uhusiano baina ya Marekani na Uingereza. Baraza la seneti la masuala ya nje la Marekani,linatarajiwa kukutana Alhamisi wiki hii,juu ya uwezekano wa kuhusishwa kwa kampuni ya Bp,na kuachiwa kwa Al Megrahi,raia pekee aliyehukumiwa kufuatia tukio la kigaidi la mwaka 1988,lililosababisha vifo vya raia 270,huko Scotland,na kuamua kumuachia huru kufuatia kuugua ugonjwa wa kansa. Lakini Waziri wa mambo ya kigeni wa Uingereza,William Hague amepeleka maelezo yake kwa baraza la seneti la Marekani,na kueleza kuwa baraza hilo linapaswa kuchukuwa jukumu lake kwa kukanusha tuhuma zinazohusisha kuachiwa kwa Megrahi,kumechangiwa na ushawishi wa kampuni ya Bp. Hata hivyo,Hague ameeleza kuwepo mawasiliano yasiyo na shaka baina ya viongozi wa ngazi za juu wa Bp na serikali ya Uingereza,juu ya makubaliano ya kubadilishana wafungwa,baina ya Libya na Uingereza na kusainiwa mwaka 2008,lakini amesisitiza kuwa kuachiwa kwa Megrahi,hakuhusiani na mawasiliano hayo.
Matangazo

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com