Afrika yajipaka kijani
Kama umeshakutana na rangi ya kijani barani Afrika, basi zinapatikana kila mahala. Iwe Afrika Kusini, visiwani Zanzibar nchini Tanzania, nchini Angola au katika mji mkuu wa Ethiopia Addis Ababa.
Nafuu na inapendeza
Mgahawa wa Ilunga Fire ndiyo unaongoza kwa keki tamu barani Afrika, angalau kwa mujibu wa wamiliki wake Punkie na Maina wa kabila la Xhosa. Rangi ya kijani waliopaka katika kibanda chao cha duara ni nafuu na inapendeza, wanasema wajasiramali hao wawili. Katika kijiji cha Nqileni, kilichoko bahari ya Hindi, manispaa imeanzisha mradi wa utalii wa kimazingira ulioshinda tuzo.
Kama mandhari ya mashamba haijakaa vizuri
Vibanda vya duara vya asili katika rangi hii ni maarufu sana Cape ya mashariki. Hii inaonyesha mandhari ya kijiji cha Qunu, nyumbani kwa Nelson Mandela. Kile kinachojulikana kama 'Pwani Mwitu' bado ni jambo la siri kwa wanaoitembelea Afrika Kusini.
Rangi ya bara zima
Kama umeshakutana na rangi ya kijani barani Afrika, basi zinapatikana kila mahala. Iwe Afrika Kusini, visiwani Zanzibar nchini Tanzania...
Picha za mtaani
… iwe nchini Angola, au kama hapa katika mji mkuu wa Ethiopia Addis Ababa.
Rangi ya ishara
Mara kijani kibichi, wakati mwingine ya kukoleza au mchanganyiko wa Feruzi. Zipo aina mbalimbali kuanzia Patina hadi kijani ya malakati. Muuzaji huyo kutoka Niger Kusini amechagua rangi kadhaa za kijani kwa ajili ya nyumba yake mpya. "Naipenda rangi ya kijani kwa ajili yangu na kwa ajili ya maendeleo, kwa sababu ardhi ya kijani ina rutuba, na unaweza kuishi tofauti na jangwa.
Hoja nzuri kwa ajili ya rangi
Kwa mtazamo wa walaji, siri ya rangi hii ni rahisi sana: Ni nafuu, inahimili mwanga na hali zote za hewa. Kwa upande wao, wataalamu wa sekta ya rangi wanaelezea faida za kisayansi za rangi hii wakisema kuwa ni rangi isiyo na kaboni.
Radio ya kijani
Tofauti na rangi nyengine, rangi ya kijani inaweza kuchanganyika vizuri na kuta ngumu na sugu. Kijani kibichi inakolea vizuri kwenye kuta za udongo na miamba. Pia kituo cha redio cha Esperanca, ambacho ni mshirika wa DW nchini Msumbuji kimelipaka jengo lake kwa rangi ya Kijani.
Dhana ya rangi ya dini
Wengi wanaona rangi ya kijani kibichi ni changamfu kama Waridi iliyokwajuka, ambayo ni kijazilizo cha rangi hiyo kwa maana ya unafuu na kupendezesha mandhari. Kwa Waislamu, rangi ya kijani ni rangi ya Mtume Muhammad (S.A.W) na kwa Wakristu, ni rangi ya ufufuo. Nchini Ethipia, rangi ya kijani inatumika kupaka kuba za makanisa ya Kithodox.
Nzuri kwa ajili ya nafsi?
Mshairi wa Ujerumani Johann Wolfgang von Goethe alifungua njia katika mwaka 1810 aliposema: "Macho yetu yanapata kuridhika kwake. Hutaki kuendelea, na huwezi kuhoji pale unapokuwa kwenye vyumba vilivyopakwa rangi ya kijani. Chuo Kikuu cha Monrovia nchini Liberia kilichagua kijani kuwa rangi ya ukuta huu.
Ukumbi wa michezo katika kijani
Wataalamu huzungumzia kile kinachoitwa “Schweinfurter Grün”, ambacho pia wahariri wa DW walikumbana nacho katika warsha ya maigizo nchini Togo. Katika majengo ya shirika la „À nous la planète“ walikuwa wakifanya mazoezi ya igizo lihusulo watoto, ambalo lilishinda tuzo ya kwanza ya mchezo wa Noa Bongo, jenga maisha yako, unaorushwa na DW. Pengine rangi ya kuta ilichangia mafanikio yao.
Rangi ya ujenzi
Nchini Somalia, rangi ya kijani inaashiria kitu tofauti kabisaa. Kwa lango hili lililokarabatiwa mjini Mogadishu, rangi ya kijani ni hatua ya kuelekea kwenye ujenzi mpya baada ya miaka 20 ya vita vya wenyewe kwa wenyewe.