У Бабруйску не дазволілі пікет на падтрымку А. Казуліна
18 апреля 2006 г.Реклама
Бабруйскія ўлады не дазволілі штабу былога кандыдата на прэзідэнта Беларусі Аляксандра Казуліна правядзенне пікетаў на яго падтрымку. Як паведаміла сайту belngo.info давераная асоба палітыка Таіса Кабанчук, гарвыканкам адмовіў у дазволе з фармальнай прычыны: заяўку на дазвол трэба падаваць за два тыдні загадзя. Аднак, у такім выпадку, заяўку на правядзенне пікетаў на абарону Казуліна трэба было падаць да яго затрымання, адзначаюць сябры штабу экс-рэктара Белдзяржуніверсітэту. Таіса Кабанчук заявіла, што ў Бабруйскі выканкам будзе пададзеная яшчэ адна заяўка на правядзенне пікетаў.