Старшыня АГП патрабуе пакараць фальсіфікатараў выбараў | Беларусь и белорусы: новости и аналитика | DW | 08.10.2008
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Беларусь

Старшыня АГП патрабуе пакараць фальсіфікатараў выбараў

Кіраўнік АГП Анатоль Лябедзька звярнуўся да генеральнага пракурора з патрабаваннем узбудзіць крымінальную справу па фактах фальсіфікацыі вынікаў выбараў.

default

Кіраўнік Аб’яднанай грамадзянскай партыі Анатоль Лябедзька накіраваў зварот генеральнаму пракурору Рыгору Васілевічу з патрабаваннем узбудзіць крымінальную справу па фактах фальсіфікацыі вынікаў выбараў па мінскай акрузе № 105.

Менавіта па гэтай выбарчай акрузе лідэр АГП балатаваўся ў дэпутаты Палаты прадстаўнікоў Нацыянальнага сходу. Палітык распавёў Deutsche Welle пра прычыны звароту ў Генпракутаруру.

"Я з кожным днём усё больш пераконваюся ў тым, што ніхто не лічыў галасы на маёй выбарчай акрузе, на акругах многіх-многіх кандыдатаў ад Аб’яднаных дэмакратычных сілаў, і я мушаны абскарджваць гэтыя вынікі, каб не даваць падставаў для прапагандысцкіх заяваў Ярмошынай і астатніх, што няма абскарджвання, значыць, усё нармальна, і мы прымаем такія вынікі. Я не думаю, што пракуратура зараз кінецца расследаваць факты парушэнняў пры фармаванні ўчастковых камісіяў, пры падліку галасоў, але, разам з тым, я выканаю гэтую працэдуру і прайду па ўсім крузе, каб потым і людзям казаць, якая ў нас пракуратура, якая ў нас судовая сістэма і якая ў нас выбарчая сістэма".

Па словах палітыка, у яго маюцца факты для прыцягнення парушальнікаў закона да адказнасці:

"У пракуратуру мы ўжо перадалі шэраг канкрэтных матэр’ялаў. На адным з участкаў у нас учас абедзеннага перапынку ўзарвалі скрынку, дасталі, як я разумею, бюлетэні і замянілі іх на іншыя. Ёсць яшчэ адзін цікавы факт, які можа даследаваць пракуратура. Дадзеныя аб выбаршчыках, якія прынялі ўдзел у галасаванні, у нас і ва ўчастковых выбарчых камісіях вельмі адрозніваюцца. Па некаторых участках гэта 300, 400, амаль 500 чалавек. Мы прапаноўваем узяць участкі, дзе ёсць такія разыходжанні, і супрацоўнікі пракуратуры могуць апытаць дзве тысячы выбаршчыкаў, задаць ім адно пытанне: прыходзілі людзі на выбарчы ўчасткак, ці не? І трымаць перад сабой спіс выбаршчыкаў з адзнакай прагаласаваўшых. Калі мы сцвярджаем – 400 "мёртвых душ" на ўчастку, то гэта нельга недзе схаваць. І калі гэта выяўляецца – гэта ўжо крымінальная справа, людзей трэба садзіць у турму, таму што яны парушылі правы выбаршчыкаў". (гк)

Контекст