БХК не паедзе на кангрэс, ладжаны Саветам Еўропы | Беларусь и белорусы: новости и аналитика | DW | 03.12.2008
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Беларусь

БХК не паедзе на кангрэс, ладжаны Саветам Еўропы

Беларускі Хельсінскі камітэт падтрымаў калег з Маскоўскай Хельсінскай групы і не будзе браць удзелу ў ладжаным Саветам Еўропы Міжнародным кангрэсе няўрадавых арганізацыяў, які пройдзе 4-7 снежня ў Пензе.

default

Прычынай адмовы маскоўскіх праваабаронцаў ад удзелу ў форуме стала тое, што да яго арганізацыі спрычыніўся Савет Федэрацыі Расеі. На думку Беларускага Хельсінскага камітэта (БХК) , такі падыход азначае, што Савет Еўропы згодны з палітыкай расійскіх уладаў, накіраванай на "кантроль" над няўрадавымі арганізацыямі і "абмежаванне іх незалежнасці".

Рашэнне Беларускага Хельсінскага камітэта DW-RADIO пракаментаваў яго старшыня Алег Гулак: "Падрыхтоўка гэтага форума і яго праграма не зусім адпавядае назве. Роля NGO там прыніжаная, і гэта фактычна з'яўляецца сустрэчай NGO з урадам, а не ўласна кангрэсам NGO".

Па словах Алега Гулака, прымаючы гэтае рашэнне, Беларускi Хельсінскi камітэт сыходзіў з таго, што расійскія праваабаронцы лепш ведаюць сітуацыю ў Расіі. "Падзяляючы іх незадаволенасць працэсам падрыхтоўкі, непасрэдна рашэнне аб няўдзеле прымалася з улікам іх пазіцыі", - адзначыў Алег Гулак. (гк)

Реклама