پوتین د اوکراین جګړې په هکله: بېړه ورته نه لرو
۱۴۰۱ شهریور ۲۶, شنبه
د روسېې ولسمشر، ولاديمیر پوتين په ازبکستان کې د شانګهای د همکاريو سازمان په غونډه کې وويل چې روسیه د اوکرايني ځواکونو د تعرضي عملیاتو سربېره، په پام کې لري خپلو حملو ته ادامه ورکړي.
هغه د جمعې ورځې په ماښام (د سپتمبر ۱۶مه) خبريالانو ته وويل چې د روسېې تر ټولو مهم هدف د اوکراین په ختيځ کې د ټولې دونباس سېمې «آزادول» دي او هيڅ اړتيا نه لري چې پر دې هدف بیا کتنه وشي.
اوکراین: په بېرته نيول شوو سيمو کې د ملکيانو مړي موندل شوي
پوتين په دې هکله وويل: «موږ هيڅ بېړه نه لرو.» هغه ادعا وکړه چې روسيه «یوازې داوطلب سرتيري د اوکراین جګړې ته استوي.»
روسیه تېره اوونۍ د اوکرايني ځواکونو د تعرضي حملو په نتيجه کې اړه شوه چې شاتګ وکړي او خپل ځواکونه د جګړې له يو شمیر سېمو څخه وباسي.
د روسېې په کنټرول کې راغلي د اوکراين د څو ښارونو او کلیو بېرته نېول، پر مسکو له سترو ګوزارنو څخه یو دی چې په وروستیو میاشتو کې ورباندې وارد کيږي.
زیلینسکي: په ایزیوم کې مو ډله ایز قبر موندلی دی
پوتين د اوکرايني ځواکونو د متقابلو حملو په هکله د خبریالانو د پوښتنې په ځواب کې وويل: «انتظار به وکړو او وبه وينو چې دا بهير به څنګه وي او څرنګه به پای ته رسيږي.»
هغه همدارنګه ادعا وکړه چې اوکراين هڅه کړې تر څو د روسېې اتومي تاسيساتو او اتومي بټيو ته نژدې حملې ترسره کړي او ژمنه ېې وکړه چې «د ناوړه پېښو د رامنځ ته کېدو د مخنیوي په خاطر به خپلې ټولې هڅې ترسره کړي.»
پوتين زیاته کړه: «که هغوی نه متوجه کيږي چې دا ډول کړنې د منلو وړ نه دي او تروريستي کړنو سره کوم توپير نه لري، په هغه صورت کې به موږ پر ځوابي اقدام لاس پورې کړو.»
پوتين يو ځل بیا غربي هیوادونه د ګازو د لوړې بېې «مسئول» وبلل او پر خپلو وړانديزي حل لارو ېې ټينګار وکړ: «د نورد ستريم۲ پايپ لاين له لارې چټکه استفاده.» هغه وويل د دغه پايپ لاین له طریقه کېدای شي په کال کې ۵۵ ميليارډ متر مکعب ګاز آلمان ته صادر شي او د دغه کار له پاره باید یوازې «پر ېوې تڼۍ فشار وارد شي.»
فون دیرلاین: د هاګ په جزا محکمه کي د پوتین محاکمه ممکنه ده
د روسېې ولسمشر همدارنګه هڅه وکړه تر څو د خبريالانو په ځواب کې د هندوستان هغه اندېښنې برطرفه کړي چې اوکراين سره د جګړې په تړاو ېې لري. پوتین وويل: «روسېه د جګړې چټک پای غواړي، خو اوکرایني لور مذاکرې ته حاضر نه دی.»
د هندوستان صدراعظم، نريندرا مودي، د شانګهای سازمان د غونډې په څنډه کې د روسېې له ولسمشر سره د کتنې پر مهال د خپل هیواد پر محتاطانه او بېطرفانه دريځ باندې د ټينګار تر څنګ، د اوکراين په جګړه کې د دواړو هیوادونو ترمنځ د پراخې همکارۍ غوښتونکی شو.
هغه پرون جمعه، پوتين ته په خطاب کې وويل: «نن ورځ نور د جګړې دوران نه دی، بلکې زموږ توجه او هڅې باېد تر هرڅه ډير د خوراکي موادو، کيميايي سرې او د سوند موادو د تامين په څير مواردو باندې متمرکزې وي.»
روسیه: اوکراین ته به د امریکا اوږد واټنه توغندي تر سرې کرښي تيرېدل وي
تېره اوونۍ د جي۷ ډلې هیوادونو مشرانو په برلين کې په خپلو غونډو کې اوکراین سره د لا ډير پيوستون ژمنې تر څنګ اعلان وکړ، څرنګه چې پوتين په غرب کې «دیموکراسۍ» سره د مبارزې په حال کې دی، جي۷ به اوکراین سره لا ډيرو مرستو او پېوستون ته ژمن وي.
د امریکا د کانګریس مشره نانسي پلوسي چې د جي۷ په غونډو کې له حاضرینو څخه یوه وه، وويل: «د اوکراين خلکو سره به زموږ پیوستون ادامه ولري، ولې چې هغوی نه یوازې له دیموکراسي څخه د خپل ځان له پاره، بلکې زموږ ټولو له پاره دفاع کوي.»
دویچه ویله ف/م.ک.ص./م.ن.ص.
په اوکراین کې جګړه؛ له آرشیف څخه یو انځوریز البوم