په کوهاټ کې د پولیسو پر موټرو ډزو کې پنځه افسران وژل شوي
۱۴۰۴ اسفند ۵, سهشنبه
د خيبر پښتونخوا د کوهاټ سيمې د چارواکو په حواله وسله والو د پولیسو يوه موټر ته کمین نيولی وو او د ډزو په ترڅ کې یې يو افسر وژلی دی. د پوليسو د کامران خان، په نوم چارواکي زياته کړې کله چې څو دقیقې وروسته د پوليسو ملاتړي ځواکونو د پېښې ځای ته ورسېدل، وسله والو بل بريد وکړ او څلور پولیس یې ووژل.
تر اوسه هیڅ کومې ډلې د دې همغږي شويو بريدونو پړه چې په دې وروستيو میاشتو کې یې په ټول هېواد کې شمیر ډېر شوی دی، نه ده منلې.
اړونده موضوع: د پاکستان په شمال لویدیځ کې بريدونو لږترلږه ۱۴ کسان وژلي
د پاکستان ولسمشر آصف علي زرداري، د کوهاټ بريد غندلی او د قربانیانو کورنيو ته یې تسليت ویلی دی.
د تاوتريخوالي دا تازه پېښه د خیبر پښتونخوا په کرک کې د دوشنبې په ورځ پر اف سي ځواک د بريد په تعقيب کې رامنځته شوې ده چې په ترڅ کې په چاوديدونکو توکو سمبال ډرون چاودنې د امنيتي ځواک اوه تنه غړي ټپيان کړل. بريدکوونکو وروسته بيا هغو امبولانسونو ته چې ټپيان پکې انتقاليدل کمين نيولی وو او د دريو افسرانو تر وژلو وورسته یې د هغوی جسدونه سوځولي ول.
د دويم امبولانس چلوونکی د ټپي کيدو سربیره هم يو شمیر زخمی افسران انتقال کړي ول.
د کرک د بريد مسئوليت هم تر دې دمه چا پر غاړه نه ده اخیستی خو شک یې د تحريک طالبان پاکستان يا ټي ټي پي پر منع شوې ډلې باندې کيږي. د پاکستان حکومت تور لګوي چې دا ډله د افغانستان له خاورې څخه فعاليت کوي. خو افغان طالبان او پخپله دا ډله د پاکستان د حکومت دا تورونه ردوي.
اړونده موضوع: یوناما په افغانستان کې د پاکستان په هوايي بريدونو کې ملکي تلفات تائيد کړل
د پاکستان پوځ ادعا کړې چې د يکشنبې ورځ په بريدونو کې د افغانستان سره د پولې په اوږدو کې یې د وسله والو د پټنځايونو په نخښه کولو سره لږ تر لږه ۷۰ هغه وسله وال وژلي دي چې په پاکستان کې په تازه بريدونو کې د لاس درلودو تور ورباندې لګول کیږي.
خو په افغانستان کې د طالبانو حکومت بيا وايي چې د پاکستان هوايي ځواک په ننګرهار او پکتيکا ولايت کې د ملکيانو د استوګنې سيمې په نخښه کړي او د ننګرهار په بهسودو ولسوالۍ کې یې يو شمیر ملکيان وژلي دي. ملګرو ملتونو هم د بهسودونو په بريد کې د ۱۳ ملکيانو د وژل کيدو خبر تائيد کړی دی.