Шолц доаѓа во регионот со порака дека Западниот Балкан припаѓа во ЕУ | Информации и анализи за Балкан | DW | 19.05.2022

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Балкан

Шолц доаѓа во регионот со порака дека Западниот Балкан припаѓа во ЕУ

Германскиот канцелар Олаф Шолц на средината на јуни доаѓа во посета на неколку земји на Западниот Балкан со порака дека регионот припаѓа во Европската унија.

Олаф Шолц

Германскиот канцелар Олаф Шолц

Интеграцијата на земјите од Западниот Балкан во ЕУ е прашање на кредибилитет и стратешки интерес, порача во четвртокот од говорницата на Бундестагот германскиот канцелар Олаф Шолц, најавувајќи ја својата посета на регионот. 

Шолц рече дека планира да патува во регионот пред состанокот на Европскиот совет, закажан за 23 јуни, а на кој е предвиден и одделен самит со шефовите на држави и влади од земјите на Западниот Балкан. Засега е извесно дека Шолц нема да ги посети сите шест држави во регионот, туку само неколку од нив. Се очекува Скопје и Белград да бидат дел од станиците на неговата мини-турнеја која најверојатно ќе се случи една недела пред самитот на ЕУ, или околу средината на јуни. 

Шолц пред пратениците зборуваше за обврските кои ЕУ и земјите-членки ги преземаа кон државите од Западниот Балкан и ветувањето за нивно полноправно членство. 

„Почитувањето на нашите обврски кон нив не е само прашањето на нашиот кредибилитет. Денес повеќе од било кога, нивната интеграција е исто така и наш стратешки интерес“, порача Шолц посочувајќи на влијанието на „надворешни сили“ во регионот, вклучително и Русија. 

Германскиот канцелар ги отфрли и барањата за забрзан прием на Украина во ЕУ и покрај руската инвазија, но порача дека Брисел мора да најде „брз и прагматичен“ начин да му помогне на Киев. 
„Нема скратени патишта на патот до ЕУ“, рече Шолц, додавајќи дека правењето отстапки кон Украина не би било фер кон земјите од Западниот Балкан. 

Шолц најави дека сака повторно да го заживее Берлинскиот процес и на крајот порача:
„Западниот Балкан припаѓа кон Европската унија“. 

DW.COM

Поврзана содржина